2017ko brigadak

  • Val di Susatik, italiako brigadisten lehen kronika

    Submitted by admin on Al, 2017/08/07 - 09:28

    Milaneko aeroportura heltzean kontrapartea geneukan gure zain. Bere etxean afaldu genuen eta Italiar estatuak herri mugimenduaren kontra erabiltzen duen errepresioa azaldu zigun. Kartzelara sartzea zailagoa bada ere, neurri "prebentibo" oso gogorrak dituzte: etxean ixtera behartzea, hiritik botatzea...

    Hurrengo goizean, egun hauetan gure garraio diren bi kotxeak alokatu eta Val di Susa bailarara abiatu ginen, Cels izeneko herri batera. Bailara honetan Abiadura Handiko Trena eraikitzen ari dira eta oso mugimendu indartsua dago honi aurre egiteko. Mugimendu honetako kideek hartu gintuzten Celsen: batzuk bertakoak dira eta beste batzuk hona etorri dira bizitzera borrokan parte hartzeko eta bailara biziberritu asmoz, bizi eredu askeak sortu nahian.

  • Italiako herri mugimendua ezagutzen

    Submitted by admin on Or, 2017/08/18 - 08:14

    ALTA FELICITÀ festibala bukatzean, uztailaren 31n, Milanera abiatu ginen bi kotxeekin eta eguerdi aldera ailegatu ginen. Transiti 28 CSOAn gure kontrapartearekin elkartu ginen eta bazkaldu genuen. Transitik 40 urte daramatza okupatuta, eta haren barne antolakuntzaz eta funtzioaz hitz egiten egon ginen: Lotta per la casa mugimenduarekin oso lotuta dago eta etxebizitzaren inguruko borrokan parte hartzen du.

  • Erroma: atzo eta gaurko borroka

    Submitted by admin on Al, 2017/08/21 - 08:59

    Abuztuaren 8an, asteartea, iritsi ginen Erromara. Heldu bezain laster, erdigunean kokatzen den jabetza publikoko bulego eraikin erraldoi eta okupatu batera eraman gintuzten. Hurrengo egunetan bertan geldituko ginen lotan, beraien etxea egin duten 400 bat bizilagunekin batera. Erromako etxebizitza eskubidearen aldeko mugimenduaren parte den Action kolektiboak okupatu zuen duela bi urte, eta jatorri eta adin guztietako jendearen artean kudeatzen den proiektu bat da. Kide batek azaldu zigun bezala, beraien helburua etxebizitza lortzeaz gain (“lotta per la casa”) bizitzaren alde borrokatzea ere bada (“lotta per l’abitare”). Eraikin berean uztartzen dituzte proiektu desberdinak, besteak beste Spin Time izeneko laborategi soziala, enoteka, jantoki soziala, edo auzorako hitzaldi aretoa.