Kanalduderekin eginiko emankizuna ikusgai duzue

Venezuelari buruzko Sanchezen gezurrak

Marc Garcia, Itaca Herrialde Katalanetako erakunde iternazionalistako militanteak, Gobernu espainiarrak Guaidó kolpista presidente aitortu izanaren harira idatzia. Artikulua l’Accent aldizkari digitalak argitaratu du.

 

Belarrian entzungailu bat dut eta esatariak elkarrizketa eteten du Pedro Sánchez Espainiako presidentearen prentsaurrekoa jartzeko. Papera eta arkatz bat hartu eta hitz egin ahala aipatzen dituen hitz gako batzuk idazteari ekin diot: “Guaidó hauteskundeek legitimatzen dute”, “Espainia aldeaniztasunaren alde dago”, “Espainia Europako gehiengoarekin bat dator”, “kontsentsuak”, “venezolarren interesak babestu”, “hauskunde egiaztagarriak”, “laguntza humanitarioa”, “espainiar enpresak Venezuelan”… korrika eta presaka, txio bidezko erantzuna ematen saiatzen naiz, baina orain pausatuago, hobeto argudiatu dezaket.

 

Otsaileran 9an, ZUZENEKO telebista saioan izango gara!

Larunbat honetan, otsailaren 9a, arratsaldeko 20:00etatik aurrera zuzeneko telebista emisio bat burutuko dugu Kanalduderekin elkarlanean. Euskal enternazionalismoaren sorrera, brigadak, joan-etorriko elkartasuna... gonbidatu bereziak, erreportaiak, zuzeneko musika emankizuna eta sorpresa ugari! Ez galdu aukera eta etorri larunbatean Hendaiako Xaia ostatura!

Euskal Herria iraultza bolibartarrarekin!

Badatoz 2019ko brigadak!

Herri internazionalista... izan brigadista!

Beste urte batez, munduko hainbat txokotara brigadak antolatu ditugu. Izan ere, brigadak joan-etorriko elkartasun internazionalista gure herriko borroka ezberdinetan txertatzeko tresna eraginkorrenetako bat baitira.

Pasa den urtean Euskal Herri aske bat internazionalismotik eraikitzea ezinbesteko zela azpimarratu bagenuen, aurten, hori egiteko tresna brigadak direla aldarrikatu nahi dugu. Izan ere, Euskal Herriaren askapen nazional eta sozialean internazionalismoak duen garrantziaz jabe, borroka honetan gure ekarpena egiteko bitarteko baliagarriak ditugu brigadak. Etorkizuneko Euskal Herri internazionalista gaurtik eraikitzen hasiak gaudelako, gainontzeko herri langileen borrokak ezagutu eta geure borrokak irakaspen horietatik elikatzea ezinbestekoa dugula uste dugu.

Jakitun gara gainerako herriei egin diezaekegun ekarpen iraultzailerik handiena gure herriaren askatasuna eskuratzea dugula. Eta zerumugan norabide hori dugula garatzen dugu gure praktika internazionalista: joan-etorrikoa, herritik herrira, berdintasunean oinarritua.

http://www.askapena.eus/sites/default/files/Brigadak2019-web.jpgAurten, baina, berrikuntza garrantzitsu batekin gatoz: udaberriko brigadak! Hain zuzen ere, Paris eta Herrialde Katalanetara egingo ditugu udaberriko brigada hauek, apirila amaieran. Estatu frantziarrean garatzen ari diren borrokak bertatik bertara ezagutzeko aukera izango dugu Parisko brigadan eta Herrialde Katalanetan aldiz, bizitzen ari diren ukazio egoera eta “proces” deituriko bide orriaren mugak ere lehen eskutik ezagutzeko aukera izango da.

Aurreko urteetan Askapenatik egindako analisiari segida emanez, aurten ere brigadak hiru eremu geografikoetan kokatuko ditugu: Latinoamerika, Ekialde Hurbila eta Europa.

  • Latinoamerikak inperialismoaren eraso bortitza bizi du egun, eta herri langileen erresistentzia borrokak, zein prozesu iraultzaileen nolakotasunak ezagutuko ditugu ondorengo herrietan: Argentina-Uruguai, Brasil, Venezuela, Mexiko eta Bolivian.
  • Ekialde Hurbileko brigadei dagokionean Palestinan zein Libanon inperialismoaren aurkako herri erresistentziak, askapen borrokak, okupazio militarra edota errefuxiatuen egoera ezagutuko ditugu.
  • Azkenik, Europan, Grezia eta Sardiniara antolatuko ditugu brigadak, periferiako herriek bizi duten egoera lantzeko, ezkerreko mugimenduen errealitate eta borrokak zein nazio zapalduen askapen prozesueak ezagutzearekin batera. Paris, Herrialde Katalanetako brigadak udaberrian izango dira.

Beraz, Euskal Herriko internazionalista guztiei dei egiten diegu, herri internazionalista eraiki bidean, brigadista izateko esperientzia bizi dezaten. Seguru gaude gure herriaren askapen zein bestelako edozein borroketan lagungarri izango diren jakintza edo irakaspenekin bueltan ekarriko dituzuela.


Gora Euskal Herria Internazionalista!

Gora brigada internazionalistak!

Orriak