Joanekoa

Euskal Herritik munduko Herri eta borroka ezberdinei egiten diogun elkartasun internazionalista

Jerusalem Palestina da!

Askapenatik gure gaitzespen handiena helarazi nahi diogu aurreko astean Donald Trumpek egindako adierazpenei. AEBek Jerusalem Israeleko hiriburua dela onartzeak, guztiz justifikatzen baitu 1948tik Israelek bultzatu duen kolonizazio prozesu eta okupazio militarra.

Atzo, Haifa, Nazaret, Eilat edo Neguev zena, gaur Jerusalem, Belen, edo Gaza delako. Hitzak hitzak dira, baina, oso kezkagarria da adierazpen honek atzetik duen pisu guztia. Ez da berria AEBk sionismoarekin duen harremanaz hitz egitea. Aspaldidanik dakigu lobby Sionistek Washintongen egiten duten lana, eta alderantziz, Israelen bidez AEBk Ekialde Hurbilean egiten duen desegonkortze lana. Baina, deklarazio honek ez du soilik Palestina jomuga, Ekialde Hurbileko egoera are gehiago desegonkortzea du helburu.

Euskal Herria - Kolonbia, elkartasun zubiak eraikitzen

 

Uda honetan, Kolonbian izan gara Askapenak antolaturik Euskal Herriko herri mugimenduko militanteok osatutako brigada bat, herrialdearen egoera eta koiuntura berria ezagutzeko, lehen eskutik. Brigadak bi helburu nagusi izan ditu: batetik, herri mugimenduko eragileekin genituen harremanei berreustea, eta bestetik, prozesuak eta FARC-EP gerrillaren eta Santosen gobernuaren arteko Habanako akordioek utzitako errealitatea ezagutzea.

Horretarako, hainbat ekimen eta bilera izan genituen askotariko eragile politiko eta sozialekin, hala nola Marcha Patriótica (elkarte indigenak, afrikarren ondorengoen elkarteak, nekazarien elkarteak, kontrakultura mugimenduak, Giza Eskubideen defentsarako elkarteak, erasotutako emakumeak…), Juventud Rebelde, Federación de Estudiantes Universitarios (FEU) eta Congreso de los Pueblos eragileekin.

Orain, han ikusi eta ikasitakoaren berri emango dugu hainbat hitzalditan

Kataluniako egoeraren inguruko hitzaldiak

Elkartasunetik konpromisora, visca la República Catalana!

Lehenik eta behin, Askapenatik, Kataluniako herri langileari gure zorionik beroena helarazi nahi diogu Kataluniako Errepublikaren aldebakarreko adierazpena aldarrikatzeagatik. Izan ere, herri katalanak azken urteotan aurrera eramandako prozesu osoa irakaspen izugarria izan da Euskal Herri langilearentzat.

Determinazioaren garrantzia erakutsi diguzue, irmotasunaren garrantzia, eta helburuak erdiesteko herriaren bulkada beharrezkoa dela erakutsi diguzue. Ondorioak zeintzuk izango diren jakitun izan arren, egiten ari den bidean sinesten duen herri batek, desobedientziaren bidez, jarritako helburuak lor ditzakeela erakutsi diguzue. Horri esker ireki da 78ko erregimena hausteko aukera.

Urriak 12: atzo, gaur eta beti, inperialismo espainiarraren aurrean Herriok erresistentzia!

Mila arrazoi ditugu Euskal Herrian urriaren 12a ez ospatzeko. Torturatzaileak goraipatzen dira egun honetan, genozidioak txalotu, baina batez ere, 500 urtez herriok bizi izan dugun zapalkuntza ezkutatzen da haien inperialismoa justifikatzeko. Askok argi dugu egun honek zer daraman bere erraietan. Horregatik, egiten ditugu herri eskolak ikastetxeetan. Horregatik mobilizatzen gara, 78ko erregimenaren kontra edota indar polizialak kanporatzeko. Eta nola ez, internazionalista bezala, horrexegatik gogoratzen dugu Abya Yalan gertaturikoa.

Orriak