Kubatik, osasuna eta askatasuna!

Italiak mediku kubatarren delegazioa jaso du Covid-19ari aurre egiteko, eta Italiaz gain, gutxienez beste 36 herrialdetan kooperazio lanetan dabil. Oraindik ere jasaten duen blokeo inperialistaren gainetik Kubak elkartasun internazionalistaren adierazpen gorena izaten jarraitzen du.

Kubako iraultza hasi zenetik, bere izaera internazionalista agerian utzi du behin eta berriz Kubak, hala nola Angolan, Bolivian, Aljerian, Venezuelan, Haitin... Kapitalismoak gogorren kolpatutako herrialdeetara hamarnaka delegazio bidali ditu Kubak azken hamarkadotan.


Fidel Castroren hitzetan: “No hay independencia ni hay revolución sin el socialismo y sin la solidaridad internacional, sin la práctica de la solidaridad internacional. ¡Apoyarse en ella y apoyar la solidaridad internacional; recibirla y darla!”
"Nuestro país llevará adelante su política internacionalista sin vacilaciones de ninguna índole y de solidaridad con el movimiento revolucionario en todo el mundo; nuestro país profundizará sus ideas revolucionarias y llevará adelante sus banderas hasta donde sea capaz."
 

Kapitalismoa agerian uzten ari da aurpegirik gordinena, inperialismoak kolpe gogorra eman du, eta datozen ondorioak oso latzak izango dira herri langileontzat. Europar Batasuna ez da gai berau osatzen duten estatu kideak lagundu eta sostengatzeko. Alderantziz, interes ekonomikoak izango dira beste behin babestu eta sostengatuko dituztenak, edozeren eta edozeinen gainetik. Pandemia honen gainean, beste behin langileon aurkako eraso ekonomikoa baitator. Aldiz, ekonomikoki blokeatuta dagoen herrialde komunista batetik elkartasuna eta baliabideak jaso ditu Italiak. Ez da zalantzarik, basakeria kapitalistari aliantza eta elkartasun internazionalistak soilik egingo diola aurre.


Herriok bizirauteko ezinbestekoa dugu elkartasun internazionalista. Beraz, saretu eta sendotu dezagun Euskal Herriko mugimendu internazionalista! 


Gora Euskal Herria internazionalista!
 

2020ko brigada kanpainako bideo spota!

Hemen duzue aurtengo brigada kanpainako irakurketa. Gogoratu izen emate epea apirilaren 19an amaitzen dela, baina eskertuko genizueke azken unerako ez uztea. Idatzi lasai helbide honetara eta animatu zaitez elkartasun internazionalista bizitzera!

Turkiar faxismoaren aurrean, herriok borroka internazionalista!

Azken egunotan Siriako Idlib eskualdea etengabeko albistegai izaten ari da, egunkari eta telebistetan. Idlib, 2019 hasieratik, Siriako gobernuaren aurka aritu diren talde jihadisten kontrolpean egon da, hain zuzen ere Al Qaedaren gertukoak diren Hayat Tahrir al Sham-en menpean. Gertaerek ez dute etenik, artikulu hau idazteko unean bertan, hamarnaka soldadu turkiar hil dira Siriako ejertzitoak Idlib berreskuratzeko eginiko erasoan; eta, bestalde, Turkiak mehatxu egin dio Europar Batasunari, etorkinei mugak irekiko dizkiela adieraziz.

 

Euskal Herritik elkartasuna, Öcalanen aldeko martxa luzean

Hemen, Ocalan eta preso politiko kurduen askatasunaren aldeko martxa honetan, Kurdistango askapen borrokarekin elkartasuna adierazi nahi dugu Euskal Herritik. Herri kurduak eta Euskal Herriak borroka bera dugula argi dugu, bi herriak estatu zapaltzaileen biktimak gara, eta biktimak izateari utzi eta geure askatasunaren alde borrokatzea erabakitzen dugun unean, estatuek espetxeratu, torturatu eta erailtzen gaituzte.

U30ean Greba Orokorra!

Urtarrilaren 30erako, Euskal Herriko Eskubide Sozialean Kartak deitutako Bizitzaren aldeko Greba Orokorrarekin bat egin eta euskal jendarteari parte aktibo izatera deitzen diogu Askapenako kideok.

 

Gaur, inperialismoaren erasoaldi bortitzenetarikoaren, bortitzenaren ez bada, aurrean gaude.  Bizitzaren aurkako oldarraldi baten aurrean. Interes berak ezkutatzen dira Boliviako Estatu Kolpearen atzean, edo Venezuelako etengabeko mehatxuetan. Esku zuri bera Ekialde Hurbileko sakeoan. Helburu berak Txileko nahiz Greziako erreformetan. Diskurtso faxista bera Brasil edo Italian. Kontrol, aberastasun eta boterearen etengabeko akumulazioak ez du mugarik. Lurralde, itsaso zein oihanekin batera, hizkuntza, identitate, herri, kultura, komunitate, indar eta gorputzak zapaldu nahi dituzte, esklabo nahi gaituzte.

 

Herrion arteko xamurtarsunari esker ordea, bizitzaren aldeko munduko hamaika herrietako borroka ezagutzeko aukera izan dugu. Kubako faroaren argia bidelagun, Lacandonako basoetan murgilduta bidea behetik eta ezkerretik egitearen balioa ikasi dugu. Boliviako jatorrizko herrien berezko hizkuntzek erakutsi digute bizitza onaren benetako esanahia. Italiako bizipenetatik gure egin ditugu faxismoaren aurkako oihuak. Kurdistango kideen eskutik barneratu dugu emakume askerik gabe, askatasuna ez dela posible. Etsipen eta iluntasunaren mehatxuaren aurrean, Greziako herriak autogestioaren botereaz begiak ireki dizkigu. Venezuelako langileek eraikitako Komunetatik parte hartze eta autogobernu esperientzia berriak ezagutu ditugu. Herrialde Katalanetako herri antolakuntza eta borroka olatu indarberrituak itxaropen arnas izan dira. Hamaika herri, beste hainbeste esperientzia baina ardatz bat guztiak zeharkatzen dituena, bizitza.

 

Elkartasunak ekarri gaitu hona, irakaspen horiek guztiak munduko herri langileonak baitira. Ez dugu elkartasun internazionalista lantzen egoera injustuen aurrean zauriak sendatzeko. Elkarrekin indartsuago garelako, elkarrengandik ikasten dugulako eta elkarrekin bat garelako lantzen dugu elkartasun internazionalista; zauritzen gaituzten arrazoiak gainditzeko.

 

Horregatik, bizitza dugu aldarri eta elkartasun internazionalistak bizi gaitu. Argi dugulako sistema kapitalista heteropatriarkal eta inperialista honen aurkako erresistentziarik handiena bizitza defendatzea dela. Izan Rojavako lubakietan edo Venezuelako Komunetan. ZADeko aireportu okupatu edo Argentinako herri-ekonomia eraikitzeko mugimendu eta protestetan nahiz abortu eskubidearen aldeko borroketan. Kapitalismo, heteropatriarkatu eta inperialismoari arnasa kentzen diogun territorio, baliabide, ideia edo gorputz bakoitza, bizitzaren aldeko garaipen bat da, bizitza onaren aldeko urrats bat. 

 

Eta datorren urtarrilaren 30ean Euskal Herrian kaleak hartzea, bizitza aldarrikatzea da.

 

 

 

Aldaketak datoz mundura,
nor den herriak badaki.

Nekez ginen elkarganatu,
indazu albiristea!
Gertatuak ez du ardura,
jende esklabua jaiki!
Aldaketak datoz mundura,
nor den herriak badaki.

Oro gudura, ala!
Bihar izan dadin
Internazionala
pertsonaren adin.

Euskal Herrian, 2020ko urtarrilaren 28an.

 

 

 

Orriak