Palestinako brigada mixtoaren bigarren kronika!

Bidaian aurrera goazela, preso palestinarren egoeraren eta sionisten aparatu errepresiboaren berri izateko aukera izan dugu. Atxiloketak eta askatasuna berreskuratzeak egunero ematen direnez, ezinezkoa da uneoroko preso kopurua jakitea. Halere, gaur egun 6.000-7.000 inguruan kokatuko litzateke zenbakia garairik gogorrenean 15.000ra ere heldu izan delarik. Datu esanguratsu gisa, 1967tik aitzinera 800.000 pertsona izan dira atxilotuak, biztanleria maskulinoaren %50 noizbait atxilotua izan dela suposatzen duena.

 

Atxiloketak hiru momentu edota tokitan eman daitezke: Check pointetan, protestetan eta etxera bila joanda. Hauetako gehienak protestetan eta etxera bila joanda gauzatzen dira, betiere indarkeria handiz egiten direlarik. Esan beharra dago, atxiloketak zenbait kasutan PANek (Palestinar Autoritate Nazionalak) berak burutzen dituela, gerora atxilotua israeldarren eskuetan uzteko.

Venezuelako brigadaren 3. kronika: Lurralde Antolaketarako ministro-ordearekin topaketa

Edgar Alberto Valero Acosta Venezuelako Errepublika Bolivarianoaren Lurralde Antolaketarako burua da, Planifikaziorako Herri Boterearen Ministerioaren ministeriordetzetako bat. Askapenaren brigadarekin izandako topaketan bere ministerioaren funtzioei buruz aritu zen baita 2019-2025 Aberri Plana osatzeko prozesu parte-hartzaileari buruz ere.

Argentina/Uruguaiko brigadak parte hartu du Filtroko martxan Montevideon

Urtero bezala, abuztuaren 24ean Montevideon martxa edo manifestaldi bat antolatzen da El Filtroko sarraskia oroitu eta inpunitatea salatzeko. Aurten gainera 25 urte betetzen dira gertakari latz haietatik eta bertan izan dira Askapenako brigadistak. Martxan zehar hainbat kiderekin izandako elkarrizketekin osatu dute bideoa, tartean Manueltxo, duela 25 urte Filtroko ospitalean zen euskal borrokalaria

Filtroko sarraskiaren 25. urteurren ekitaldia

Badator G7aren aurkako kontragailurra!

Abuztuaren 24tik 26ra munduko 7 potentzien agintariak batuko dira Euskal Herrian, Biarritzen hain zuzen ere. G7EZ! plataformatik ekitaldi eta mobilizazio ezberdinen bidez erantzungo zaio inposatu zaigun gailur honi. Hona hemen Askapenatik bertan antolatu duguna. Ez geratu etxean eta zatoz!

Kontragailurraren informazio guztia: g7ez.eus

  • Abuztuak 21:
    • 15:00retan Fikobako 2. aretoan: "Inperialismoa(k) mundu multipolarrean"
      • Negro Soarez eta Iñaki Gil de San Vicente
    • 17:30etan Fikobako 2. aretoan: "Gerrak, militarizazioa eta armagintza"
      • IPAM eta Askapenako kideak
    • 17:30etan Hendaiako zineman: "Palestinatik Ceutara, for a #WordlWithoutWall"
      • TNI, OMAL, Stop the wall, BDS France eta Askapenako kideak
  • Abuztuak 22:
    • 10:00etan Fikobako 2. aretoan: "Kapitalismoari alternatibak bilatzen"
      • Argentina eta Greziako esperientziak, Negro Soarez argentinarra eta Julen Mendizabal Askapenako brigadista
  • Abuztuak 23:
    • 13:00etan Hendaiako Kaneta portuan: Filtroko sarraskiaren 25. urteurren ekitaldia
      • Hitzartzeak, irakurketak, musika eta omenaldia. Ondoren herri bazkaria bertan
    • 15:00retan Hendaiako eskolan: "Kudistango borrokak ezagutzen"
      • Kurdistanen garatzen ari diren borroka ezberdinen esperientziak azalduko dituzte
    • 17:30etan Hendaiako zineman: "BDZ kanpaina, elkartasun internazionalista"
      • Hainbat eragiletako kideek BDZren inguruan jardungo dute
  • Abuztuaren 21etik 23ra Fikobako eragileen txokoan:
    • Material internazionalista eta Venezuelaren aurkako blokeoa salatzeko sinadura bilketa
  • Abuztuak 24: MANIFA! 11:00etan Hendaiako portutik
  • Abuztuak 25: Plazak hartzera! Debeku guztien gainetik kaleak hartzeko deialdia

 

Orriak