Israeldar dantzariak Bilboko Kafe Antzokian. Adierazpen sionistei boikota!

Datorren ostegun eta ostiralean (ekainaren 3 eta 4an) 'ACT Festival'-aren programaziopean eta artista ezberdinen artean dantzari israeldarrak (Mor Shani eta Da Na Ka dance) izatekoak dira Bilboko Kafe Antzokian. Azken lau urteotan Israeli Bokota zabaltzen ari da Euskal Herrian Palestinari elkartasuna adieraziz. 200tik gora elkarte palestinarrek nazioarteko gizarte zibilari elkartasun tresna hau erabiltzera dei egin ziotenetik hain zuzen. Pacbi izeneko ekimen honek boikota alderdi politikoan, ekonomikan, istiuzionalan batzen ditu... baina baita kirol, kultur eta irakaskuntza arloetan ere.

Palestinarekin eta azken egunotan izandako gertakariekin elkartasuna adierazteko modurik eraginkorrena adierazpen sionistak boikoteatzea da. Kasu honetan, entitate sionistaren ordezkariak diren artista hauek badute publikoki boikot kanpainaren oinarrizko puntuak onartzea; onartu ezean ez dira gurean ongi etorriak izango.

  • Israelen bizi diren biztanle palestinarrak eskubide zibil eta politiko guztien jabe izatea.
  • Gazan eta Zisjordoniaren gaineko okupazio ilegalari amaiera ematea.
  • Errefuxiatu palestinarren itzultzeko eskubidea bermatzea.

Nahi duenak badauka pacbi manifestu palestinarra euskaraz irakurtzea, adierazpen osoaren berri izateko.

Beraz jaialdiaren antolatzaileei zein euskal jendarteari dei egiten diegu artista sionistei boikot egitera, gu ez baikara entitate sionistaren normalizazio kanpainaren konplize izango. Euskal herritarrok badugulako zer esan, zein seinalatu eta zer salatu, Israelgo estatu terrorista hain zuzen.

Euskal Herria Palestinarekin!

Iruñean ehunka lagunek 'Stop Israel' aldarrikatu zuten atzoko manifestazioan

Atzo Israelen aurka eta palestinarekin elkartasunez burutu zen manifestazioa Iruñean 'Gerrren aurkako Plataforma'k deituta. Laguntza humanitarioa Gazara zeramaten ontzietan eginiko saraskiagatik Israeli ardurak exijitu eta nazioarteari zigorrak ezar dietzaiola eskatu zieten.

Israelgo estatu sionistaren izaera terrorista berriz ere argi utzi dutelako...Stop Israel!

Gora Palestina!

Israeli boikota!

Egunotan Euskal Herria kalera: Israeli Boikota!

h&m boycott israel bilboAzken gertakarien harira nazioarteko BDS (boikot, desinbertsio, zigor) kanpainak Isareli boikot egun berri eta behin behineko bat markatu du egutegian, ekainaren 5a, larunbata. Askapenak dei egiten dio Euskal Herriko jendarteari, elkartasun talde, alderdi politiko, sindikatu, herri mugimendu eta solidario guztiei, asteburu honetan, herri eta hirietan Palestinaren aldeko elkartasuna eta Israelen kontrako boikota zabaldu dezagun.

Israelek solidario internazionalisten ontzietan eginiko sarraskiak argi erakusten du, beste behin ere,  Palestinarekiko elkartasuna jomugan dutela, horren aurrean elkartasuna areagotu besterik ez zaigu gelditzen, elkartasun praktikoa eta erreala: boikota.

Asteburu honetan sionismoaren interesak, sionismoarekiko konplizeak eta kolaborazionistak salatu behar ditugu eta beren mozorroa kendu: H&M, Sephora, El Corte Inglés, Imaginarium, Baskonia, udaletxe, istituzio publiko eta gobernu egoitz kolaborazionistak (Israeli Boikot ildoa onartzen ez dutenak) salatu behar ditugu. Herriz herri eta eskualdez eskualde.

Mobilizazioak:

  • Bilbon ekainaren 4an, ostirala, elkartaratzea 19:00retan Bilboko Udalaren aurrean. Bilboko Palestinarekin elkartasun Plataforma.
  • Gasteizen ekainaren 4an, ostirala, elkartaratzea 19:00retan Baskoniaren dendaren aurrean (General Loma plaza). Gasteizko Palestinarekin elkartasun Plataforma.
  • Irun, ekainaren 4an, ostirala, mobilizazioa 19:30etan Zabaltza Plazan. Irungo Palestinarekin elkartasun Plataforma.

Ezker Abertzaleak prentsa-ohar batez jakinarazi du "Palestinarekin bat, Israelgo estatu sionistari boikota" lelopean egingo diren mobilizazioetara atxiktzen dela.

Euskal Herria kalera! 

Palestinarekin bat, Israeli boikota!

Ehunka lagunek hartu dute parte Donostiako manifestaldian 'Palestina askatu, Israel hiltzaile' lelopean

Atzo Paletinaren Aldeko Plataformak manifestazioa burutu zuen Donostiako erdigunean Israelek nazioarteko uretan buruturiko sarraskia eta nazioarteko estatuen konplizitate eta hipokresia salatzeko.

350 lagun atera dira kalera Palestinar herriari elkartasuna adierazi eta Israelgo estatuak beste behin ere nazioarteko ordenamendu juridikoari emaniko ostikada salatzeko.

Era berean, Israelgo ejerzitoaren informazioaren erabilera interesatua salatu dute, "beraiek baitira, momentu honetan dugun informazio ororen iturri. Jakitun gara, informazioa baino desinformazioaz ari garela".

Donostiako Plataformatik Euskal gizarteari aktiboki palestinako 200 eragile ezberdinek egin zuten deialdiarekin bat egitea eskatzen diote eta, Desinbertsio, Boikot eta Zigor ekonomikoak bultzatzea eta ondorengo egunetan burutuko diren mobilizazioetan parte hartzea.

Gora Palestina!

Gora elkartasuna!

Israeli boikota!

Orriak